केही दिन अगाडि नायक पल शाहलाई फिल्म अफर नआएको खबर हामीले मेरो फिल्ममा सार्वजनिक गरेका थियौं । पलले जेलमा रहँदा काम गर्ने भनिएको ३ वटा फिल्मको पनि अहिले चर्चा सेलाएको छ ।
तर, पलले आफूलाई बलियो रुपमा कमब्याक गराउनका लागि निर्देशकलाई नै फिल्म अफर गरेका छन् । पलले निर्देशक दिनेश राउतसँग फिल्मको निर्देशन गर्न अफर गरेका हुन् । प्रायः फिल्ममा निर्देशकले नायकलाई फिल्म अफर गरेको सुनिन्छ ।
तर, पलले भने आफ्ना नजिकका साथी विकास सुवेदीको साथमा दिनेशलाई फिल्म निर्देशनको अफर गरेका हुन् । तर, दिनेशले भने पलको फिल्म गर्ने वा नगर्ने बिषयमा कुनै टुंगो लगाएका छैनन् ।
पलले फिल्ममा कमब्याक गर्दा आफ्नो अभिनयलाई समेत परिवर्तन गर्न चाहन्छन् । निर्देशक राउतले गतबर्ष नायक प्रदीप खड्कालाई लिएर फिल्म ‘प्रकाश’ बनाएका थिए । यसैले, पल पनि दिनेशसँग २ वटा फिल्ममा संझौता गर्न चाहिरेका छन् ।
पलले फिल्ममा फर्किनका लागि आफ्ना नजिकका निर्देशकहरुसँग सम्पर्क गरिरहेका छन् । श्रोतका अनुसार उनको र निर्देशक सुदर्शन थापाको पनि केही चरण कुराकानी भैसकेको छ ।
यस्तोमा पलले कसको फिल्ममा पहिले काम गर्छन् पक्का भएको छैन । तर, म्युजिक भिडियोमा व्यस्त बनेका पल फिल्ममा फर्किन कसरत गरिरहेका छन् ।
प्रतिकृया दिनुहोस्