जुम बैठक चलिरहँदा चियाको गिलास लिएर आएकी महिला कर्मचारीलाई आफूतिर तानेर अश्लील हर्कत गर्ने कृषि तथा वन विश्वविद्यालयको कृषि संकायका डीन जयप्रकाश दत्त निलम्बनमा परेका छन् । संयोग नै मान्नुपर्छ, कृषि विकास बैंकमा कार्यरत उनकी पत्नी पनि भ्रष्टाचार अभियोगमा निलम्बनमै छिन् ।
दत्तले मंगलबार स्नातक तहको चौथो वर्षका विद्यार्थीहरूसँग जुममा ओरेन्टेसन कार्यक्रम राखेका थिए । जहाँ ६५ भन्दा बढी विद्यार्थी जुम बैठकमा जोडिएका थिए । जुम बैठकमा सोही संकायका सहप्राध्यापक सन्तोष मरहठ्ठाले आफ्नो प्रस्तुति दिइरहेका थिए । दत्त पनि जुम बैठकमा भिडिओ अनम्युट गरेर सहभागी बने ।
अरु सहभागीको भिडिओ म्युट थियो । तर, उनको भिडिओ अनम्युट हुँदा उनी के गरिरहेका छन् भन्ने अरु विद्यार्थीले स्पष्ट देखिन्थ्यो । त्यसैको कारणले पनि दत्तले कार्यालयमा गरेको हर्कत बाहिर आयो । जुम मिटिङ भइरहेको बेला उनले महिला कर्मचारीलाई जबरजस्ती तानेर आफनो काखमा ताने ।
जबकी उनको यो हर्कत जुममा जोडिएको ६५ भन्दा बढी विद्यार्थी र दुई प्राध्यापकले देखे । दत्त त्यतिमै रोकिएनन् । महिलालाई तानेर संवेदनशील अंगमा चुम्बन गरेका थिए । सार्वजनिक भिडिओ हेर्दा उनी बैठकमा सहभागी कसैको मतलव नगरी महिलालाई दुव्र्यवहार गर्न व्यस्त देखिन्छन् ।
यसअघि पनि उनीमाथि महिलामाथि दुर्व्यवहार गरेको आरोप लाग्थ्यो र तर आफैँ डीन भएपछि कारबाही कसले गर्ने ? विश्वविद्यालयलका एक प्राध्यापकका अनुसार यसअघि उनले महिला कर्मचारीलाई कार्यकक्षमै पटक पटक दुर्व्यवहार गर्दै आइरहेका थिए । तर, उनीविरुद्ध उजुरी गर्दा कारबाही त परको कुरा उल्टै डीनलाई फसाउन लागेको आरोप लाग्ने गरेको थियो ।
त्यसैको कारण पनि डीनले पटक पटक उन्मुक्ति पाउँदै आएका थिए । यसपटक भने दत्तको भिडिओ नै सार्वजनिक भएपछि कृषि तथा वन विश्वविद्यालयले कारबाही गर्न बाध्य भयो ।
विश्वविद्यालयका पदाधिकारीहरू कारबाही गर्ने पक्षमा भने थिएनन् । भिडिओ नै सार्वजनिक भएपछि चौतर्फी दबाबमा विश्वविद्यालयले कारबाही गर्यो । उनलाई अन्तत निलम्बनमा राखेर अनुसन्धान गर्न छानविन समिति गठन भएको छ । तर, विश्वविद्यालयका उपकुलपति पुन्यप्रसाद रेग्मी भने दत्तलाई बचाउन खोजिरहेका छन् । घटना भएको देख्दा देख्दै सीधै बर्खास्त गर्नुपर्नेमा सत्यतथ्य छानबिन गर्न भन्दै त्यतिन्जेलसम्मका लागि निलम्बनमा राख्यो ।
श्रीमती यसअघि नै निलम्बित:
संयोग नै मान्नुपर्छ कृषि संकायका निलम्वित डीन दत्त र श्रीमती शोभाकुमारी दुवै सरकारी जागिरमा थिए । शोभा कृषि विकास बैंकको शाखा प्रमुख थिइन् भने जयप्रकाश कृषि संकायका डीन । उनीहरू एक वर्षको अन्तरालमा पालैपालो आफ्नै कर्मको फल भोग्दै कानूनी फन्दामा परेका छन् ।
श्रीमती शोभाले कर्मको फल भोगिसकेकी छन् भने जयप्रकाश त्यही लयमा पुगेका छन् । शोभाले आर्थिक अनियमितामा सलंग्न भएपछि जागिरबाट हात धुन परेको छ । जयराज पनि यौन दुर्व्यवहारको आरोपमा बर्खास्तमा पर्ने छन् । उजुरी परे जेल जानेछन् । यद्यपि भिडिओमा देखिएकी महिला कर्मचारीले उजुरी गरेकी छैनन् । जयराजले ती कर्मचारीसँग सहमतिमा सम्बन्ध हुने गरेको बताएका छन् ।
प्रतिकृया दिनुहोस्